Mumbai Pune Train: मुंबईहून पुण्याला जाण्यासाठी नवा रेल्वे मार्ग होणार, सुपरफास्ट प्रवासासाठी मार्ग कसा असणार?
मुंबई आणि पुणे ही महाराष्ट्रातीलच नाही तर देशातील महत्त्वाची महानगरे आहेत. मुंबई देशाची आर्थिक राजधानी सुद्धा आहे. मुंबई आणि पुणे या दोन्ही महानगरांमध्ये मोठमोठे उद्योग, कार्यालये आहेत. त्यामुळे या शहरांत दररोज मोठ्या प्रमाणात नागरिक ये-जा करत असतात. त्यातच आता मुंबई आणि पुण्याच्या मधोमध असलेल्या पनवेलमध्ये देशातील सर्वात मोठे विमानतळ होत आहे. त्यामुळे विकास आणखी झपाट्याने होत आहे. यामुळे नागरिकांचा प्रवास अधिक सुखकर आणि जलद व्हावा यासाठी रेल्वेने महत्तवाचं पाऊल उचललं आहे.
मुंबई आणि पुणे या शहरांच्या दरम्यानचा प्रवास आणखी सुपरफास्ट व्हावा यासाठी कर्जत लोणावळा या दरम्यान दुहेरी मार्ग तयार करण्यात येणार आहे. त्या संदर्भातील प्रस्ताव रेल्वेने तयार केला आहे. मध्य रेल्वेने याबाबतचे एकूण दोन प्रस्ताव तयार केले असून ते रेल्वे बोर्डाकडे पाठवले आहेत.
रेल्वे बोर्डाने या प्रस्तावांना मंजुरी दिल्यावर त्याच्या प्रत्यक्ष कामाला सुरुवात होणार असल्याची माहिती समोर येत आहे. मध्य रेल्वेच्या दक्षिण पूर्व भागात कर्जत – लोणावळा आणि उत्तर पूर्व भागात कसारा – इगतपुरी या दोन प्रमुख घाट मार्गांवर प्रत्येकी दोन नवे ट्रॅक उभारण्याचं नियोजन रेल्वेचं आहे. रेल्वेचा हा प्रस्ताव नेमका कसा आहे? जाणून घेऊयात…
कर्जत – तळेगाव मार्ग कसा असणार?
लांबी किती असणार?
60 किलोमीटर
एकूण बोगदे किती?
4 बोगदे
रेल्वे स्थानक किती असणार?
6 रेल्वे स्थानक
कर्जत – खोरावडी मार्ग कसा असणार?
लांबी किती असणार?
61 किलोमीटर
एकूण बोगदे किती?
4 बोगदे
एकूण पूल किती असणार?
20 पूल असणार
रेल्वे स्थानक किती असणार?
6 रेल्वे स्थानक
वेळेची बचत होणार
नवीन मार्गांवर चढ-उतार नसल्याने रेल्वेला अतिरिक्त बँकर इंजिन जोडण्याची गरज भासणार नाही. त्यामुळे बँकर जोडण्यासाठी आणि काढण्यासाठी लागणारा सुमारे 20-20 मिनिटांच्या वेळेची बचत होणार.
रेल्वेने तयार केलेल्या या प्रस्तावानुसार, या प्रकल्पात भुयारी मार्ग आणि पुलांचा समवेश असणार आहे. यामध्ये काही बोगदे एकेरी असणार आहेत त्यातून दोन्ही मार्गिका जाणार आहेत तर काही ठिकाणी दोन्ही मार्गिकांसाठी स्वतंत्र बोगदे असणार आहेत.
