जळगाव – भावंडांनी आपल्याच बहिणीचा विश्वासघात करत तिच्या खात्यातून परस्पर पाच लाख रुपये काढून फसवणूक केल्याची घटना समोर आली आहे. याप्रकरणी शुक्रवारी एमआयडीसी पोलिसात न्यायालयाच्या आदेशान्वये दोघांविरुद्ध गुन्हा दाखल करण्यात आला आहे. शबनम शेख जाकीर पिंजारी (वय ४५ धंदा – घरकाम रा.शिरसोली) यांची फसवणूक झाली आहे.
शिरसोली येथील रहिवासी शबनम शेख जाकीर पिंजारी यांचे अशपाक समासोउद्दीन पिंजारी , महेमूद समासोउद्दीन पिंजारी हे दोन भाऊ आहेत. अशफाक याने २६ ऑक्टोंबर २०१७ ते ८ नोव्हेंबर २०१७ च्या दरम्यान, महेमूद समासोउद्दीन पिंजारी याच्या मदतीने बहिण शबनम शेख हिचा संपादन केला. तसेच याचदरम्यान अशफाक व महेमुद हे दोन्ही बॅकेत जावून पासबुकात नोंद करुन आणतो म्हणून शबनम शेख यांचे पासबुक व एटीएम कार्ड घेवून गेलेत. शबनम शेख यांचे पती परदेशात नौकरी असल्यामुळे शबनम शेखच्या खात्यात चांगले पैसे असल्याची दोघांना माहिती होती. यानंतर अशपाक पिंजारी याने परस्पर द्वारे कार्डचा वापर करुन पाच लाख लाख रुपये काढून घेतले.
आपल्या खात्यातील पैसे काढल्याचे लक्षात येताच शबनम शेख आणि त्यांचे पती याबाबत विचारण्यास गेले असता अशफाक व महेमूद यांच्याकडे गेले असता, त्या वेळी पैसे परत न करता त्यांनी शबनम शेख व त्यांचे पती या दोघांना धक्काबुक्की करुन शिवीगाळ दमदाटी केली. तुकडे-तुकडे करून टाकू तुमचा कोठेही ठिकाणा लागणार नाही, अशी धमकीही दोघांनी दिली. याप्रकरणी न्यायालयाच्या आदेशान्वये शुक्रवारी समासोउद्दीन पिंजारी , महेमूद समासोउद्दीन पिंजारी या दोघा भावंडाविरोधात एमआयडीसी पोलिसात गुन्हा दाखल करण्यात आला आहे. पुढील तपास पोलीस हेडकॉन्स्टेबल जितेंद्र राठोड हे करीत आहेत.
