Ladki Bahin Yojana: लाडक्या बहिणींना लॉटरी! एप्रिल महिन्यात ‘या’ महिलांच्या खात्यात 1500 ऐवजी थेट 3000 जमा होणार
लाडकी बहीण योजना
लाडकी बहीण योजनेच्या अंतर्गत पात्र महिलांना त्यांच्या स्वतःच्या आधार लिंक केलेल्या थेट लाभ हस्तांतरण (डायरेक्ट बेनिफिट ट्रान्स्फर) सक्षम बॅंक खात्यात दरमहा 1 हजार 500 रूपये इतकी रक्कम दिले जातात.
1500 रुपयांच्या ऐवजी थेट 3000 रुपये
आता एप्रिल महिन्याच्या हप्त्याकडे सर्व महिलांच्या नजरा लागल्या आहेत. एप्रिल महिन्यात काही महिलांना 1500 रुपयांच्या ऐवजी थेट 3000 रुपये जमा करण्यात येणार आहे. जाणून घ्या नेमके कोणाला मिळणार 3000 रुपये…
फेब्रुवारी आणि मार्च महिन्याचा हप्ता
फेब्रुवारी आणि मार्च महिन्यांचा हप्ता एकत्रित मार्च महिन्यात देण्यात आला. मात्र, काही महिलांना केवळ एकाच हप्त्याचे पैसे मिळाले
मार्च आणि एप्रिल महिन्याचा हप्ता
ज्या महिलांना काही तांत्रिक कारणांमुळे मार्च महिन्याचा हप्ता मिळाला नाही त्यांना मार्च आणि एप्रिल अशा दोन्ही हप्त्यांचा लाभ एप्रिल महिन्यात मिळणार असल्याची माहिती समोर आली आहे.
आतापर्यंत 9 हप्ते जमा
लाडक्या बहिणींना दरमहा 1500 रुपये राज्य सरकारकडून देण्यात येत असतात. पात्र महिलांच्या बाँक खात्यात थेट डीबीटी मार्फत पैसे जमा होत असतात. आतापर्यंत एकूण 9 हप्ते लाडक्या बहिणींना देण्यात आले आहेत. आता एप्रिल महिन्याचा म्हणजेच 10वा हप्ता लाडक्या बहिणींना मिळणार आहे.
एप्रिल महिन्याच हप्ता कधी?
एप्रिल महिना उजाडला असून आठवडा उलटून गेला आहे. त्यामुळे एप्रिल महिन्याचा हप्ता बँक खात्यात कधी जमा होणार याची प्रतीक्षा लाडक्या बहिणींना होती. पण आता लाडक्या बहिणींची प्रतिक्षा संपली आहे.
अक्षय्य तृतीयेचा मुहूर्त
30 एप्रिल रोजी अक्षय्य तृतीया आहे आणि या अक्षय्य तृतीयेच्या मुहूर्तावर लाडक्या बहिणींच्या खात्यात एप्रिल महिन्याचे 1500 रुपये जमा करण्यात येणार असल्याची माहिती समोर आली आहे. मात्र, या संदर्भात अद्याप कोणतीही अधिकृत माहिती समोर आलेली नाहीये.
या महिलांना मिळणार नाही एप्रिल महिन्याचा लाभ
योजनेच्या निकषात न बसणाऱ्या महिलांना अपात्र ठरवून योजनेतून नाव कमी करण्यात येत आहे. दर महिन्याला अपात्र महिलांच्या संख्येत वाढ होत आहे. त्यामुळे निकषात न बसणाऱ्या लाडक्या बहिणींना एप्रिल महिन्याचा हप्ता मिळणार नाहीये.
